Seoladh GaelGÁIRÍ, Club Nua Grinn (stand-up comedy) i mBÁC

Posted on Márta 25, 2014 le

2



Seolfar club nua grinn (stand-up comedy), GaelGÁIRÍ,  i mBaile Átha Cliath ar an Satharn 29ú Márta i gClub Chonradh na Gaeilge.  Is é Colm O’Regan a bheidh mar phríomh-réalta ar an 29ú.  Seo an chéad uair gur bunaíodh club grinn Gaeilge.

Ar stáitse chomh maith ar an oíche beidh, Aideen McQueen chomh maith le bunaitheoirí GaelGÁIRÍ Andy Ó Faoláin, Eoin P. agus scata fuirseoirí eile.

Tá GaelGÁIRÍ ar an bhfód ó mhí na Nollag 2013.  Ar an 3 oíche go dtí seo, bhí taispeáintais den scoth ó fhuirseoirí úr nua, chomh maith le fuirseoirí le taithí na mblianta. Ní hamháin go mbeidh an club ag gríosadh daoine nua le trial a bhaint as fuirseoireacht ar na boinn, ach beifear ag díriú ar na réaltaí grinn is mó sa tír a mhealladh chuig Club Chonradh na Gaeilge.

Beidh GaelGÁIRÍ ar siúl i gClub Chonradh na Gaeilge ar an Satharn deireanach de gach mí. Beidh costas ionrála ar an 29ú Márta de €5 / €3 do mhic léinn agus daoine dí-fhostaithe.

Is fuirseoir, craoltóir agus údar ‘Isn’t it well for ye? – the book of Irish Mammies’ agus ‘That’s more of it now – the second book of Irish Mammies’ é Colm O’Regan.  Tá stand-up comedy déanta aige ag Montreal Just For Laughs, the Kilkenny Cat Laughs agus Electric Picnic. http://www.colmoregan.com/about/

Aideen McQueen – fuirseoir proifisiúnta atá lonnaithe i Londain.  Bhíodh sí mar chuid den ‘double act’ Accident & Emergency le hAndrea Farrell. Beidh sí mar iomaitheoir ar an gclár teilifíse ‘An Gaeilgeoir is Greannmhaire’ a chraolfar ar TG4 i Márta 2014.

Tuilleadh eolais ó:

gaelgairi@gmail.com

facebook.com/Gaelgairi

Andy Ó Faoláin ar 087 6152726

Is féidir @GaelGAIRI a leanúint ar twitter

Posted in: Nuacht